மார்வெல் ரசிகர்கள் ஆவலுடன் எதிர்பார்த்து வரும் ‘Spider-Man: Brand New Day’ திரைப்படம், திரையரங்குகளில் வெளியாகும் முன்பே புதிய சாதனையை படைத்துள்ளது. படத்தின் முன்பதிவு (Advance Booking) டிக்கெட் விற்பனை இதுவரை இல்லாத அளவுக்கு உயர்ந்து, இந்த ஆண்டின் மிகப்பெரிய முன்பதிவு சாதனையாக மாறியுள்ளது.
டாம் ஹாலண்ட் மீண்டும் ஸ்பைடர் மேனாக நடிக்கும் இந்த திரைப்படம், உலகம் முழுவதும் மிகப்பெரிய ஓப்பனிங்கை பெறும் என எதிர்பார்க்கப்படுகிறது. ஆரம்ப கணிப்புகளின்படி, முதல் வார இறுதியிலேயே பல நூறு மில்லியன் டாலர் வசூலை ஈட்டும் வாய்ப்பு இருப்பதாக பாக்ஸ் ஆபிஸ் வட்டாரங்கள் தெரிவிக்கின்றன.
இந்தப் படத்தை டெஸ்டின் டேனியல் கிரெட்டன் இயக்கியுள்ளார். முந்தைய Spider-Man: No Way Home படத்தின் தொடர்ச்சியாக உருவாகியுள்ள இப்படத்தில் செண்டயா, ஜேக்கப் பட்டலான் உள்ளிட்டோர் முக்கிய கதாபாத்திரங்களில் நடித்துள்ளனர். ரசிகர்களின் எதிர்பார்ப்பு காரணமாக பல நாடுகளில் டிக்கெட் முன்பதிவு வேகமாக நடைபெற்று வருகிறது.