திருவண்ணாமலை மாவட்டத்தில், 2026-27-ஆம் ஆண்டிற்கான பிரதம மந்திரி பயிர் காப்பீட்டுத் திட்டத்தின் கீழ், நெல் பயிர்களுக்கு காப்பீடு செய்ய நவம்பர் 16-ஆம் தேதி கடைசி நாளாக அறிவிக்கப்பட்டுள்ளது.
இது குறித்து மாவட்ட நிர்வாகம் வெளியிட்டுள்ள செய்திக்குறிப்பில், நெல் சாகுபடி செய்துள்ள விவசாயிகள் தங்களின் ஆதார் அட்டை, அடங்கல், வங்கி கணக்கு புத்தக நகல் ஆகிய ஆவணங்களுடன், தங்களுக்கு அருகிலுள்ள பொது சேவை மையங்கள், வங்கிகள் அல்லது வேளாண்மை அலுவலகங்களை அணுகி காப்பீடு செய்து கொள்ளலாம் என்று தெரிவிக்கப்பட்டுள்ளது.
தகுதியுள்ள அனைத்து விவசாயிகளும் நிர்ணயிக்கப்பட்ட காலக்கெடுவிற்குள் காப்பீடு செய்து, அரசின் சலுகைகளைப் பெற்றுக்கொள்ளுமாறு மாவட்ட ஆட்சியர் அறிவுறுத்தியுள்ளார்.