திருவண்ணாமலை மாவட்டம், ஆரணி அனைத்து மகளிர் காவல் நிலையம் சார்பில், மலையாம்பட்டு அரசு உயர்நிலைப் பள்ளியில் பெண் குழந்தைகள் பாதுகாப்பு குறித்த விழிப்புணர்வு நிகழ்ச்சி நடைபெற்றது.
இந்நிகழ்ச்சியில் பள்ளி மாணவிகளிடம் குழந்தை திருமணம் தடைச் சட்டம், போக்சோ (POCSO) சட்டம் மற்றும் பெண் குழந்தைகளின் பாதுகாப்பு குறித்தும், அவர்களின் உரிமைகள் குறித்தும் காவல்துறையினர் விரிவாக எடுத்துரைத்து விழிப்புணர்வு ஏற்படுத்தினர்.
மேலும், அவசர உதவி மற்றும் ஆபத்துக் காலங்களில் உடனடியாகத் தொடர்புகொள்ள ஏதுவாக, இலவசக் குழந்தைகள் உதவி எண்ணான 1098 குறித்து மாணவிகளுக்கு விளக்கப்பட்டு, அது குறித்த துண்டுப் பிரசுரங்களும் வழங்கப்பட்டன.