தமிழ்நாடு முதலமைச்சர் ஜோசப் விஜய் அவர்கள் எதிர்வரும் நவம்பர் 2ஆம் தேதி புதுக்கோட்டை மாவட்டத்திற்கு வருகை தர உள்ளார்.
இந்தப் பயணத்தில் , கட்டுமானப் பணிகள் முழுமை பெற்றுள்ள புதிய பேருந்து நிலையத்தையும், கலைஞர் மாவட்ட அரசு விளையாட்டு அரங்கத்தில் அமைக்கப்பட்டுள்ள உள் விளையாட்டு அரங்கக் கட்டிடத்தையும் அவர் திறந்து வைக்க உள்ளார்.
முதலமைச்சரின் வருகையை முன்னிட்டு, புதுக்கோட்டை மாநகராட்சிப் பகுதிகளில் வரவேற்பு ஏற்பாடுகள் தீவிரமாக நடைபெற்று வருகின்றன. இதையொட்டி, நகரின் முக்கிய சாலைகள் அனைத்தும் தீவிரமாகத் தூய்மைப்படுத்தப்பட்டு வருகின்றன.
இந்தப் பணிகளைத் துரிதப்படுத்தும் வகையில், புதுக்கோட்டை மாநகராட்சியின் ஏற்கெனவே உள்ள தூய்மைப் பணியாளர்களுடன், புதிதாக இணைக்கப்பட்ட 10-க்கும் மேற்பட்ட கிராமப் பஞ்சாயத்துகளைச் சேர்ந்த தூய்மைப் பணியாளர்களும் துப்புரவுப் பணிகளில் ஈடுபடுத்தப்பட்டுள்ளனர்.