புதுக்கோட்டை புதிய பேருந்து நிலையத்தின் கட்டுமானப் பணிகள் இறுதி கட்டத்தை எட்டியுள்ளன. வரும் நவம்பர் 2ஆம் தேதி திங்கட்கிழமை தமிழ்நாடு முதலமைச்சர் மு.க. ஸ்டாலின் அவர்களால் திறக்கப்பட உள்ள நிலையில், அதற்கான ஆயத்தப் பணிகள் தீவிரமாக நடைபெற்று வருகின்றன.
பேருந்து நிலைய திறப்பு விழா நெருங்கி வருவதால், நிர்ணயிக்கப்பட்ட இலக்குக்குள் பணிகளை முடிக்க பல்வேறு துறைகளைச் சேர்ந்த பணியாளர்கள் இரவு பகலாகப் போராடி வருகின்றனர். குறிப்பிட்ட தேதிக்கு முன்பு அனைத்துப் பணிகளையும் முழுமையாக நிறைவு செய்ய மாவட்ட நிர்வாகம் துரித நடவடிக்கைகளை மேற்கொண்டுள்ளது.