விருதுநகர் மாவட்டம் ராஜபாளையத்தில், முன்னாள் திமுக எம்.எல்.ஏ தங்கப்பாண்டியன் ஆதரவற்ற குழந்தைகளுக்கு 10-வது ஆண்டாகத் தீபாவளிப் புத்தாடைகளை வழங்கி உள்ளார்.
ராஜபாளையத்தில் உள்ள 3 காப்பகங்களைச் சேர்ந்த 227 ஆதரவற்ற சிறுவர், சிறுமிகளை நேரடியாக ஜவுளிக்கடைக்கு அழைத்துச் சென்று, தங்களுக்குப் பிடித்தமான ஆடைகளைத் தாங்களே தேர்வு செய்ய அவர் வழிவகை செய்தார். இதற்காக மொத்தம் ரூ. 4.50 லட்சம் செலவான நிலையில், அந்தத் தொகையை அவர் தனது சொந்தப் பணத்திலிருந்து செலுத்தினார்.
ஆதரவற்ற குழந்தைகளுடன் தீபாவளியைக் கொண்டாடும் வகையிலான இந்த முன்னெடுப்பை அவர் கடந்த 10 ஆண்டுகளாகத் தொடர்ந்து மேற்கொண்டு வருவது குறிப்பிடத்தக்கது.