விருதுநகர் மாவட்டம் சிவகாசியில் 'வெற்றி மகளிர் தொழில் மேம்பாட்டுத் திட்டம்' தொடங்கப்பட்டது. மாவட்ட ஆட்சியர் ஷரண்யா ஹரி தலைமையில் நடைபெற்ற இவ்விழாவில், தொழில்துறை அமைச்சர் கீர்த்தனா சிறப்பு விருந்தினராகப் பங்கேற்று, தமிழ்நாடு தொழில் முதலீட்டுக் கழகம் (TIIC) சார்பில் 12 பெண் தொழில்முனைவோருக்கு ரூ.4.91 கோடி கடன் உதவிகளை வழங்கினார்.
பின்னர் செய்தியாளர்களிடம் பேசிய அமைச்சர் கீர்த்தனா, தமிழகத்திற்கு ரூ.1.5 லட்சம் கோடி தொழில் முதலீடுகள் ஈர்க்கப்பட்டுள்ளதாகவும், தூத்துக்குடியில் புதிய ஹூண்டாய் தொழிற்சாலை அமைய உள்ளதாகவும் தெரிவித்தார்.
எதிர்க்கட்சிகளின் விமர்சனங்கள் குறித்துப் பேசிய அவர், முன்னாள் முதல்வர் ஜெயலலிதா மீது அன்று இதுபோன்ற விமர்சனங்கள் வைக்கப்பட்டபோது அவர் எவ்வாறு வீறுகொண்டு எழுந்து வந்தாரோ, அதேபோலத் தாங்களும் அனைத்துத் தடைகளையும் உடைத்து வெற்றிநடை போடுவோம் எனத் தெரிவித்தார்.