விருதுநகர் மாவட்டம் சிவகாசியில், தொழில்துறை அமைச்சர் ச.கீர்த்தனா தலைமையில் 'வெற்றி மகளிர் தொழில் முனைவோர் திட்டம்' அதிகாரப்பூர்வமாகத் தொடங்கப்பட்டது.
பெண்களின் பொருளாதார முன்னேற்றத்தை இலக்காகக் கொண்டு ரூ.500 கோடி மதிப்பீட்டில் இந்தத் திட்டம் அறிமுகப்படுத்தப்பட்டுள்ளது. இத்திட்டத்தின் கீழ், தொழில் தொடங்க விரும்பும் பெண்களுக்கு ரூ.10 லட்சம் முதல் ரூ.5 கோடி வரை கடன் உதவி வழங்கப்படுவதுடன், 15 நாட்கள் சிறப்புப் பயிற்சியும், 25 சதவீதம் முதல் 40 சதவீதம் வரை மானியமும் வழங்கப்பட உள்ளது.
இதன் தொடக்கமாக, முதற்கட்டமாக தேர்ந்தெடுக்கப்பட்ட 12 பெண் தொழில் முனைவோர்களுக்கு ரூ.4.28 கோடி மதிப்பிலான கடனுதவிகளை அமைச்சர் ச.கீர்த்தனா வழங்கித் தொடக்கி வைத்தார்.