தமிழக அரசின் 'போதை இல்லா தமிழகம்' திட்டத்தின் ஒரு பகுதியாக, விருதுநகர் மாவட்டம் கிருஷ்ணன்கோவில் காவல் நிலையம் சார்பில் போதைக்கு எதிரான விழிப்புணர்வு பேரணி நடத்தப்பட்டது.
"போதை வேண்டாம், வாழ்க்கை வேண்டும்" என்ற முழக்கத்தை வலியுறுத்தி நடைபெற்ற இப்பேரணியில், அரசுப் பள்ளிகளைச் சேர்ந்த 300-க்கும் மேற்பட்ட மாணவ, மாணவிகள் கலந்துகொண்டு போதைப்பொருள்களுக்கு எதிராக விழிப்புணர்வு கோஷங்களை எழுப்பினர்.
இதனைத் தொடர்ந்து, பள்ளி வளாகத்தில் நடைபெற்ற நிகழ்வில் காவல்துறையினர் மாணவர்களிடையே உரையாற்றினர். அப்போது, போதைப்பழகத்தால் ஏற்படும் உடல்நல மற்றும் சமூகத் தீமைகள் குறித்தும், அதிலிருந்து இளைஞர்கள் எவ்வாறு தற்காத்துக்கொள்வது குறித்தும் விரிவாக எடுத்துரைக்கப்பட்டது.