திருவாரூர் மாவட்டத்தில் கடந்த சில நாட்களாக கனமழை பெய்து வந்த நிலையில், தொடர்ந்து மூன்றாவது நாளாக இன்றும் கடுமையான பனிமூட்டம் நிலவி வருகிறது.
குறிப்பாக, கோட்டூர், விக்கிரபாண்டியம், புழுதிக்குடி மற்றும் விளக்குடி உள்ளிட்ட பல்வேறு பகுதிகளில் பனிமூட்டம் அதிகமாகக் காணப்படுகிறது. இதன் காரணமாக, வாகன ஓட்டிகள் பகலிலும் முகப்பு விளக்குகளை (Headlights) எரியவிட்டபடி ஊர்ந்து செல்கின்றனர்.
கடும் பனிமூட்டம் காரணமாக, அன்றாடப் பணிகளுக்குச் செல்வோரும், நடைபயிற்சி மேற்கொள்வோரும் கடுமையான அவதிக்கு ஆளாகியுள்ளனர். மேலும், மாவட்டத்தில் தற்போது சம்பா நெல் சாகுபடி செய்யப்பட்டுள்ள விவசாய நிலங்கள் மற்றும் நீர்நிலைகள் அனைத்தும் பனிமூட்டத்தால் முழுமையாக மூடப்பட்டுள்ளன.