திண்டுக்கல் மாவட்டம் தாடிக்கொம்பில் அமைந்துள்ள அருள்மிகு சௌந்தரராஜ பெருமாள் திருக்கோவிலில் தேய்பிறை அஷ்டமியை முன்னிட்டு சிறப்பு வழிபாடுகள் நடைபெற்றன.
இந்நாளில், கோவிலின் பரிவார மூர்த்தியான சொர்ண ஆகர்ஷண பைரவருக்கு பக்தர்கள் வழங்கிய சந்தனம், மஞ்சள், திருமஞ்சனப் பொடி, பால், தேன், இளநீர் உள்ளிட்ட பல்வேறு திரவியங்களைக் கொண்டு சிறப்பு அபிஷேகங்கள் நடத்தப்பட்டன. அதனைத் தொடர்ந்து, சொர்ண ஆகர்ஷண பைரவர் சிறப்பு ராஜ அலங்காரத்தில் பக்தர்களுக்குக் காட்சியளித்தார். இதில் திரளான பக்தர்கள் கலந்துகொண்டு 'கோவிந்தா, கோவிந்தா' என முழக்கமிட்டு சாமி தரிசனம் செய்தனர்.