விருதுநகர் மாவட்டம் திருச்சுழி அருகேயுள்ள கே.வேலாயுதபுரம் கிராமத்தில், விவசாய கிணற்றில் தவறி விழுந்த ஆட்டுக்குட்டியைத் தீயணைப்புத் துறையினர் சுமார் இரண்டு மணி நேரப் போராட்டத்திற்குப் பிறகு பத்திரமாக மீட்டனர்.
கே.வேலாயுதபுரம் கிராமத்தைச் சேர்ந்த சந்திரன் என்பவரது மகன் முத்துராமலிங்கத்திற்குச் சொந்தமான சுமார் 80 அடி ஆழமுள்ள விவசாய கிணற்றில் எதிர்பாராதவிதமாக ஆட்டுக்குட்டி ஒன்று தவறி விழுந்தது. இதுகுறித்து உடனடியாகத் திருச்சுழி தீயணைப்பு நிலையத்திற்குத் தகவல் தெரிவிக்கப்பட்டது.
தகவலின் அடிப்படையில், தீயணைப்பு நிலைய அலுவலர் கண்ணன் தலைமையிலான மீட்புப் படையினர் விரைந்து சென்று மீட்புப் பணியில் ஈடுபட்டனர். இரண்டு மணி நேரத்திற்கும் மேலாக நீடித்த இந்தப் போராட்டத்திற்குப் பிறகு, ஆட்டுக்குட்டி உயிருடன் மீட்கப்பட்டு அதன் உரிமையாளரிடம் ஒப்படைக்கப்பட்டது. துரிதமாகச் செயல்பட்டு உயிரைக் காப்பாற்றிய தீயணைப்பு வீரர்களை அப்பகுதி பொதுமக்கள் பாராட்டினர்.