மயிலாடுதுறையில் உள்ள வரலாற்றுச் சிறப்புமிக்க தருமபுரம் ஆதீனத்தின் 27-வது குருமகா சன்னிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகளின் ஜென்ம நட்சத்திர விழா இன்று விமரிசையாகக் கொண்டாடப்பட்டது.
இந்த விழாவை முன்னிட்டு, ஆதீனத்திற்கு உட்பட்ட 30-க்கும் மேற்பட்ட கோயில்களில் இருந்து கொண்டுவரப்பட்ட பிரசாதங்கள் ஆதீனகர்த்தரிடம் சமர்ப்பிக்கப்பட்டு சிறப்பு வழிபாடுகள் நடைபெற்றன. அதனைத் தொடர்ந்து, தருமபுரம் ஆதீனத்திற்கு சொந்தமான ஸ்ரீ குருஞானசம்பந்தர் அரசு உதவிபெறும் தொடக்கப்பள்ளி மற்றும் மழலையர் பள்ளியில் பயிலும் 700-க்கும் மேற்பட்ட மாணவர்களுக்கு வண்ணக் குடைகள், சீருடைகள் மற்றும் இனிப்புகளை குருமகா சன்னிதானம் வழங்கி ஆசி வழங்கினார். மேலும், மாணவர்களுக்கு சிறப்பு மதிய உணவும் வழங்கப்பட்டது.
இந்த விழாவின் ஒரு பகுதியாக நடைபெற்ற மாகேஸ்வர பூஜையில், ஆதீன கட்டளை தம்பிரான் சுவாமிகள், சிவனடியார்கள் மற்றும் திரளான பொதுமக்கள் கலந்துகொண்டு சிறப்பித்தனர்.