ஈரோடு மாவட்டம், சத்தியமங்கலம் அடுத்த புளியம்பட்டி பகுதியில் கஞ்சா விற்பனையில் ஈடுபட்ட அப்புசாமி என்பவர் கைது செய்யப்பட்டுள்ளார். அவரிடமிருந்து மூன்று கிலோ கஞ்சா பறிமுதல் செய்யப்பட்டுள்ளதாக காவல்துறையினர் தெரிவித்தனர்.
புளியம்பட்டி பகுதியில் பல்வேறு இடங்களில் கஞ்சா விற்பனை நடைபெறுவது குறித்து தனிப்பிரிவு காவல்துறையினருக்கு ரகசிய தகவல் கிடைத்தது. இதனையடுத்து, காந்தி கல்லூரிக்குப் பின்புறம் உள்ள பகுதியில் காவல்துறையினர் தீவிர சோதனையில் ஈடுபட்டனர்.
அப்போது அங்கு சந்தேகத்திற்கு இடமளிக்கும் வகையில் சுற்றித்திரிந்த நபரிடம் நடத்திய விசாரணையில், விற்பனைக்காக கஞ்சா பதுக்கி வைக்கப்பட்டது தெரியவந்தது. இதனைத் தொடர்ந்து, அப்புசாமி என்பவரைக் கைது செய்த காவல்துறையினர், அவரிடமிருந்த மூன்று கிலோ கஞ்சாவைப் பறிமுதல் செய்து தீவிர விசாரணை நடத்தி வருகின்றனர்.