திமுக ஒருங்கிணைந்த கோவை மாவட்ட அலுவலகத்திற்கான அடிக்கல் நாட்டு விழாவில் பங்கேற்பதற்காக, கட்சித் தலைவரும் முதலமைச்சருமான மு.க.ஸ்டாலின் நாளை (புதன்கிழமை) கோயம்புத்தூருக்கு வருகை தருகிறார்.
கோயம்புத்தூர் அவினாசி சாலையில், லீ மெரிடியன் ஹோட்டலுக்கு எதிரில் புதிதாக அமையவுள்ள திமுக மாவட்ட அலுவலகக் கட்டடத்திற்கு அடிக்கல் நாட்டும் விழா நாளை நடைபெறுகிறது. இந்த நிகழ்வில் திமுக தலைவரும் முதலமைச்சருமான மு.க.ஸ்டாலின் நேரில் கலந்துகொண்டு அடிக்கல் நாட்டுகிறார்.
இதனைத் தொடர்ந்து, நாளை மாலை வ.உ.சி. பூங்காவில் நடைபெறவுள்ள சிறப்புக் கூட்டத்திலும் அவர் பங்கேற்றுப் பேசுகிறார்.