வேலேந்தி வந்து மனு அளித்த பூசாரிகள்! திருப்பத்தூரில் பரபரப்பு சம்பவம்

திருப்பத்தூர் மாவட்ட ஆட்சியர் அலுவலகத்தில் நடைபெற்ற மக்கள் குறைதீர் நாள் கூட்டத்தில், பூசாரிகள் பேரமைப்பின் சார்பில் அடிப்படை வசதிகளை செய்து தரக்கோரி வேலேந்தி வந்து மனு அளிக்கப்பட்டது.

கிராமப்புறக் கோயில்களில் 12 ஆண்டுகளுக்கு ஒருமுறை கும்பாபிஷேகம் நடத்தப்பட வேண்டும் என்றும், 60 வயது நிரம்பிய பூசாரிகளுக்கு ஓய்வூதியம் வழங்கப்பட வேண்டும் என்றும் அந்த மனுவில் வலியுறுத்தப்பட்டுள்ளது. மேலும், பூசாரிகள் நல வாரிய திட்டத்தில் சேருவதற்கு ஆண்டு வருமானம் ரூ.7,000 என்ற சான்று கோருவதைத் தவிர்க்க வேண்டும் என்றும், வருவாய்த்துறையிடம் இருந்து இச்சான்று பெறுவதில் உள்ள நடைமுறைச் சிக்கல்களால் அரசின் சலுகைகளைப் பெற முடியவில்லை என்றும் அவர்கள் சுட்டிக்காட்டினர். பல்வேறு கோரிக்கைகள் அடங்கிய இந்த மனுவை மாவட்ட ஆட்சியரிடம் அவர்கள் நேரில் வழங்கினர்.