திருநெல்வேலி சந்திப்பு பேருந்து நிலையத்தில் இருந்து பாளையங்கோட்டை மேட்டுத்தடலை நோக்கிச் சென்ற மகளிர் இலவசப் பயணப் பேருந்து, வண்ணாரப்பேட்டை பிரதான சாலையில் திடீரென பழுதாகி நடுவழியிலேயே நின்றது.
காலை நேர நெரிசலான நேரத்தில் பேருந்து நின்றதால் அப்பகுதியில் கடும் போக்குவரத்து நெரிசல் ஏற்பட்டு, வாகனங்கள் நீண்ட வரிசையில் அணிவகுத்து நின்றன. இதனால் பயணிகள் மற்றும் வாகன ஓட்டிகள் பெரிதும் அவதிப்பட்டனர்.
தகவலறிந்து நிகழ்விடத்திற்கு விரைந்த போக்குவரத்து காவல்துறையினர், பொதுமக்கள் மற்றும் பயணிகளின் உதவியுடன் பழுதான பேருந்தைத் தள்ளிச் சாலையோரம் ஓரங்கட்டினர். அதனைத் தொடர்ந்து அப்பகுதியில் போக்குவரத்து சீரமைக்கப்பட்டது. பின்னர், வண்ணாரப்பேட்டை பணிமனையில் இருந்து வரவழைக்கப்பட்ட தொழில்நுட்ப ஊழியர்கள் மூலம் பேருந்து பழுதுநீக்கும் பணி மேற்கொள்ளப்பட்டது.