கரூரில் உள்ள தலைமை தபால் நிலையம் முன்பு, அகில இந்திய கிராமிய அஞ்சல் ஊழியர் சங்கம் சார்பில் 8-வது ஊதியக்குழுவை அமைக்கக் காலதாமதம் செய்வதைக் கண்டித்தும், போனஸ் கோரியும் கண்டன ஆர்ப்பாட்டம் நடைபெற்றது.
கோட்டத் தலைவர் சுந்தரம் தலைமையில் நடைபெற்ற இந்த ஆர்ப்பாட்டத்தில் 15-க்கும் மேற்பட்ட ஊழியர்கள் கலந்துகொண்டனர். கிராமிய அஞ்சல் ஊழியர்களுக்கு 8-வது ஊதியக்குழுவை அமைப்பதில் நிலவும் தாமதம் மற்றும் போனஸ் வழங்கப்படாத நிலை ஆகியவற்றுக்கு அவர்கள் கண்டனம் தெரிவித்தனர்.
மேலும், ஊழியர்களுக்குக் கடுமையான இலக்குகளை நிர்ணயிப்பதன் மூலம் பணிச்சுமை மற்றும் மன உளைச்சல் ஏற்படுத்தப்படுவதாக ஆர்ப்பாட்டத்தின் போது குற்றம் சாட்டப்பட்டது. இதில் பங்கேற்றவர்கள் பல்வேறு கோரிக்கைகளை வலியுறுத்தி முழக்கங்களை எழுப்பினர்.