மயிலாடுதுறை மாவட்டம், தரங்கம்பாடி அருகே உள்ள வெள்ளகோயில் கிராமத்தைச் சேர்ந்த மீனவர் பாக்கியராஜ் (42) என்பவர், கடந்த 29ஆம் தேதி கடலுக்கு மீன்பிடிக்கச் சென்றபோது மாயமானார். அவரைத் தேடும் பணி தீவிரப்படுத்தப்பட்டுள்ளது.
தரங்கம்பாடி துறைமுகத்திலிருந்து ஞானசேகர், வீரமணி, கிருஷ்ணசாமி, சீனுவாசன், முருகன் உள்ளிட்ட 7 மீனவர்களுடன் சேர்ந்து பாக்கியராஜ் கடந்த 29ஆம் தேதி மதியம் பைபர் படகில் மீன்பிடிக்கச் சென்றுள்ளார். கடந்த 30ஆம் தேதி நள்ளிரவு காரைக்கால் கடல் பகுதியில் மீன்பிடித்துவிட்டு, மீனவர்கள் படகில் ஓய்வெடுத்துள்ளனர். பின்னர் அதிகாலை சக மீனவர்கள் விழித்துப் பார்த்தபோது, பாக்கியராஜ் படகில் இல்லாதது கண்டு அதிர்ச்சியடைந்தனர்.
கடலில் பல்வேறு இடங்களில் தேடியும் அவர் கிடைக்காததைத் தொடர்ந்து, தரங்கம்பாடி மீனவ பஞ்சாயத்தார், கடலோர காவல் நிலையம், மாவட்ட ஆட்சியர் அலுவலகம் மற்றும் துறைமுக அதிகாரிகளுக்குத் தகவல் தெரிவிக்கப்பட்டது. மேலும், 4 விசைப்படகுகள் மூலம் கடலில் தேடும் பணிகள் நடைபெற்று வரும் நிலையில், இதுகுறித்து காரைக்கால் கடலோர காவல் நிலையத்தில் அதிகாரப்பூர்வ புகார் அளிக்கվելள்ளது.