திருப்பத்தூர் மாவட்டம், நாட்றம்பள்ளி காவல் நிலையம் அருகே பட்டப்பகலில் இருசக்கர வாகனத்தைத் திருட முயன்ற வாலிபரை பொதுமக்களும் காவல்துறையினரும் இணைந்து மடக்கிப் பிடித்தனர். காவல் நிலையத்திலிருந்து தப்பியோட முயன்ற அந்த வாலிபரை பொதுமக்கள் உதவியுடன் போலீசார் மீண்டும் பிடித்ததால் அப்பகுதியில் சிறிது நேரம் பரபரப்பு ஏற்பட்டது.
நாட்றம்பள்ளி காவல் நிலையப் பகுதிக்குட்பட்ட இடத்தில் இருசக்கர வாகனத்தைத் திருட முயன்ற வாலிங்கரை அப்பகுதி பொதுமக்கள் கையும் களவுமாகப் பிடித்துத் தாக்கியுள்ளனர். பின்னர் அவர் காயங்களுடன் காவல்துறையினரிடம் ஒப்படைக்கப்பட்டார். விசாரணையில், அவர் ஜோலார்பேட்டை அடுத்த அம்மையப்பன் நகர் பகுதியைச் சேர்ந்த சந்தோஷ் குமார் (வயது 28) என்பது தெரியவந்தது. முதற்கட்ட சிகிச்சையாக அவர் நாட்றம்பள்ளி அரசு மருத்துவமனையில் அனுமதிக்கப்பட்டு, பின்னர் காவல் நிலையத்திற்குக் அழைத்து வரப்பட்டார்.
காவல் நிலையத்தில் விசாரணை நடைபெற்று வந்தபோது, மனநலம் பாதிக்கப்பட்டவர் போல் நாடகமாடிய அந்த வாலிபரை போலீசார் விடுவிக்கத் திட்டமிட்டதாகக் கூறப்படுகிறது. இதையறிந்த அவர் திடீரென காவல் நிலையத்திலிருந்து தப்பியோட முயன்றார். அவரைப் பிடிக்கக் காவல்துறையினர் பின்தொடர்ந்து ஓடிய நிலையில், சாலையில் சென்ற பொதுமக்களின் உதவியுடன் அவர் மீண்டும் பிடிக்கப்பட்டுத் காவல் அழைத்துச் செல்லப்பட்டார். இந்தச் சம்பவம் அப்பகுதியில் பெரும் பரபரப்பை ஏற்படுத்தியது.