வள்ளியூர் கூடுதல் மாவட்ட நீதிமன்ற வளாகத்தில் வழக்கு விசாரணைக்கு வந்த தொழிலாளி மாரடைப்பு ஏற்பட்டு திடீரென உயிரிழந்தார்.
வள்ளியூர் அருகே உள்ள நம்பியான்விளையைச் சேர்ந்த மாயமுத்து என்பவரது மகன் முருகேசன் (45). தொழிலாளியான இவர், ஒரு வழக்கு விசாரணைக்காக வள்ளியிலுள்ள கூடுதல் மாவட்ட நீதிமன்றத்திற்கு வருகை தந்துள்ளார்.
வழக்கு விசாரணை நிறைவடைந்ததைத் தொடர்ந்து நீதிமன்ற வளாகத்தில் இருந்தபோது, அவருக்கு திடீரென மாரடைப்பு ஏற்பட்டு மயங்கி விழுந்துள்ளார். உடனடியாக அவரை மீட்க முயன்றபோதிலும், அவர் சம்பவ இடத்திலேயே உயிரிழந்தார்.
இந்தச் சம்பவம் குறித்து வள்ளியூர் காவல்துறையினர் வழக்குப் பதிவு செய்து விசாரணை நடத்தி வருகின்றனர்.