Settings

முகப்பு/செய்திகள்/காவிரி நீரை திறக்க வலியுறுத்தி டெல்லி செல்ல முயன்ற அய்யாக்கண்ணு உள்ளிட்ட விவசாயிகள் கைது
செய்திகள்

காவிரி நீரை திறக்க வலியுறுத்தி டெல்லி செல்ல முயன்ற அய்யாக்கண்ணு உள்ளிட்ட விவசாயிகள் கைது

🕒 1 செப்., 2026, 07:10 AM
⏱️ 1 நிமிடம் வாசிப்பு
காவிரி நீரை திறக்க வலியுறுத்தி டெல்லி செல்ல முயன்ற அய்யாக்கண்ணு உள்ளிட்ட விவசாயிகள் கைது - படம் 1 - The News Outlook
📸1 / 1
✨

AI Highlights

  • •காவிரி நீரை தமிழகத்திற்கு திறந்துவிட வேண்டும் உள்ளிட்ட கோரிக்கைகளை வலியுறுத்தி டெல்லி போராட்டத்திற்குச் செல்ல முயன்ற அய்யாக்கண்ணு உள்ளிட்ட விவசாயிகளை திருச்சியில் போலீசார் கைது செய்து தனியார் மண்டபத்தில் தங்க வைத்தனர்.

செய்தியைக் கேளுங்கள்

Text-to-Speech

உச்சநீதிமன்ற உத்தரவின்படி தமிழகத்திற்கு காவிரி நீரை திறந்துவிட வேண்டும், விவசாயிகளின் கடன்களை முழுமையாக தள்ளுபடி செய்ய வேண்டும் உள்ளிட்ட கோரிக்கைகளை வலியுறுத்தி டெல்லியில் போராட்டம் நடத்தச் சென்ற தேசிய தென்னிந்திய நதிகள் இணைப்பு விவசாயிகள் சங்கத் தலைவர் அய்யாக்கண்ணு உள்ளிட்ட விவசாயிகளை போலீசார் கைது செய்தனர்.

உச்சநீதிமன்ற உத்தரவு மற்றும் காவிரி மேலாண்மை வாரியத்தின் நீர் பங்கீட்டு விகிதத்தின்படி தமிழகத்திற்கு காவிரி நீரை திறந்துவிட வேண்டும், விவசாயிகளின் அனைத்து கடன்களையும் தள்ளுபடி செய்ய வேண்டும், தமிழக விவசாயிகளுக்கு உரிய இழப்பீடு வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி, அய்யாக்கண்ணு தலைமையில் விவசாயிகள் இன்று டெல்லி சென்று போராட்டம் நடத்த திட்டமிட்டிருந்தனர்.

இதுகுறித்து தகவல் அறிந்த போலீசார், தமிழகத்தின் பல்வேறு பகுதிகளில் உள்ள தேசிய தென்னிந்திய நதிகள் இணைப்பு விவசாயிகள் சங்கத்தைச் சேர்ந்த விவசாயிகளை முன்னெச்சரிக்கை நடவடிக்கையாக வீட்டு காவலில் வைத்ததாக கூறப்படுகிறது.

இதனிடையே, திருச்சி ரயில் நிலையத்தில் இருந்து ரயில் மூலம் சென்னை சென்று, அங்கிருந்து டெல்லி செல்ல திட்டமிட்டிருந்த அய்யாக்கண்ணுவை போலீசார் கைது செய்தனர். பின்னர் அவரை திருச்சி உறையூர் பகுதியில் உள்ள தனியார் மண்டபத்தில் தங்க வைத்துள்ளனர்.

இதுகுறித்து அய்யாக்கண்ணு செய்தியாளர்களிடம் கூறுகையில், “ஜனநாயக நாட்டில் அனைவருக்கும் போராடுவதற்கான உரிமை உள்ளது. ஆனால், தமிழகத்தில் விவசாயிகள் அடிமைகளைப் போல நடத்தப்படுகின்றனர். தமிழகத்திற்கு தேவையான காவிரி நீரை திறந்துவிடாத கர்நாடக அரசைக் கண்டித்தும், தமிழக விவசாயிகளுக்கு ரூ.1 லட்சம் கோடி இழப்பீடு வழங்கக் கோரியும் டெல்லி சென்று போராட்டம் நடத்த திட்டமிட்டிருந்தோம்” என்றார்.

மேலும், “எங்களை போலீசார் கைது செய்து தனியார் மண்டபத்தில் அடைத்துள்ளனர். எங்களுடைய கோரிக்கைகள் நிறைவேற்றப்படும் வரை இந்த மண்டபத்தை விட்டு வெளியே செல்ல மாட்டோம். வேண்டுமென்றால் எங்களை சிறையில் அடைத்துக் கொள்ளலாம். விவசாயிகள் மீது போலீசார் தொடர்ந்து அராஜகப் போக்கில் நடவடிக்கை எடுப்பது வன்மையாகக் கண்டிக்கத்தக்கது” என தெரிவித்தார்.

Comments (0)

Please sign in to share your thoughts.

Sign In
Loading comments...

மேலும் சில முக்கிய செய்திகள்

அனைத்தும் பார்க்க →
மூலக்குறிச்சியில் ரூ.6 இலட்சம் மதிப்பீட்டில் ஆழ்துளை கிணறு அமைக்கும் பணி தீவிரம்செய்திகள்

மூலக்குறிச்சியில் ரூ.6 இலட்சம் மதிப்பீட்டில் ஆழ்துளை கிணறு அமைக்கும் பணி தீவிரம்

SRIDHAR🕒 நவ. 15
மாவீரர் நாள் பொதுக்கூட்டம் விழுப்புரத்தில் ஆலோசனைசெய்திகள்

மாவீரர் நாள் பொதுக்கூட்டம் விழுப்புரத்தில் ஆலோசனை

Arivazhagan🕒 நவ. 15
வழிப்பறியில் ஈடுபட்ட இரண்டு நபர்கள் கைதுசெய்திகள்

வழிப்பறியில் ஈடுபட்ட இரண்டு நபர்கள் கைது

Arivazhagan🕒 நவ. 15
அருள் வந்து ஆடிய சிவாச்சாரியார்கள்! அரியலூர் பாலமுருகன் ஆலயத்தில் பக்திப் பரவசத்தில் பக்தர்கள்ஆன்மீகம்

அருள் வந்து ஆடிய சிவாச்சாரியார்கள்! அரியலூர் பாலமுருகன் ஆலயத்தில் பக்திப் பரவசத்தில் பக்தர்கள்

D Velmurugan🕒 நவ. 15
பக்தி பரவசத்தில் பரமத்திவேலூர்! முருகப்பெருமானின் சூரசம்ஹார நிகழ்வு புகைப்படங்கள்ஆன்மீகம்

பக்தி பரவசத்தில் பரமத்திவேலூர்! முருகப்பெருமானின் சூரசம்ஹார நிகழ்வு புகைப்படங்கள்

SRIDHAR🕒 நவ. 15
விவசாயிகளின் வாழ்வாதாரத்தை உயர்த்தும் திட்டங்கள்: நேரில் கள ஆய்வு மேற்கொண்ட அரியலூர் கலெக்டர்!விவசாயம்

விவசாயிகளின் வாழ்வாதாரத்தை உயர்த்தும் திட்டங்கள்: நேரில் கள ஆய்வு மேற்கொண்ட அரியலூர் கலெக்டர்!

D Velmurugan🕒 நவ. 15
அரியலூரில் திரண்ட இளைஞர்கள்: அறிஞர் அண்ணா மாரத்தான் போட்டியை ஆட்சியர் தொடங்கி வைத்தார்!நகரங்கள்

அரியலூரில் திரண்ட இளைஞர்கள்: அறிஞர் அண்ணா மாரத்தான் போட்டியை ஆட்சியர் தொடங்கி வைத்தார்!

D Velmurugan🕒 நவ. 15
9 மணி நேர விசாரணைக்கு பின் மாஜிஸ்திரேட்டிடம் ஒப்படைக்கப்பட்ட போஸ்ட்மார்ட்டம் ரிப்போர்ட்!தமிழ்நாடு

9 மணி நேர விசாரணைக்கு பின் மாஜிஸ்திரேட்டிடம் ஒப்படைக்கப்பட்ட போஸ்ட்மார்ட்டம் ரிப்போர்ட்!

Vijay🕒 நவ. 15
TNO வாட்ஸ்அப் சானல் ➔