விருதுநகர் அரசு போக்குவரத்து பணிமனை முன்பாக, பல்வேறு கோரிக்கைகளை வலியுறுத்தி தொழிலாளர் முன்னேற்ற சங்கம் (தொ.மு.ச) சார்பில் கண்டன ஆர்ப்பாட்டம் நடைபெற்றது.
இந்த ஆர்ப்பாட்டத்திற்கு மண்டலத் தலைவர் பார்த்திபன் மற்றும் பொதுச் செயலாளர் ராஜ செல்வம் ஆகியோர் தலைமை தாங்கினர்.
முக்கிய கோரிக்கைகள்:
- 25% தீபாவளி போனஸ் மற்றும் 15-வது ஊதிய ஒப்பந்த நிலுவைத்தொகையை உடனடியாக வழங்க வேண்டும்.
- போக்குவரத்துத் துறையில் உள்ள 30,000 காலிப்பணியிடங்களைத் தற்காலிகமாக இன்றி, நிரந்தர முறையில் நிரப்ப வேண்டும்.
- பழைய பென்சன் திட்டத்தை மீண்டும் அமல்படுத்தி, ஓய்வூதியப் பலன்களை விரைந்து வழங்க வேண்டும்.
- இலவச மகளிர் பேருந்துகளில் பணிபுரியும் ஊழியர்களுக்கு பேட்டா, விடுப்பு மற்றும் பணிப்பாதுகாப்பை உறுதி செய்ய வேண்டும்.
- அரசாணை 33-ஐ ரத்து செய்து, ஊழியர்களின் குடும்பத்தினருக்கு வாரிசு வேலை வழங்க வேண்டும்.
இந்தக் கோரிக்கைகளை வலியுறுத்தி நடைபெற்ற இந்த ஆர்ப்பாட்டத்தில் ஏராளமான போக்குவரத்து தொழிலாளர்கள் கலந்து கொண்டு முழக்கங்களை எழுப்பினர்.