மணிமுத்தாறு அணையில் இருந்து பிசான பருவ சாகுபடிக்கு தண்ணீர் திறப்பு!

​திருநெல்வேலி மாவட்டம் அம்பாசமுத்திரம் வட்டத்தில் உள்ள மணிமுத்தாறு அணை நீர்த்தேக்கத்திலிருந்து பிசான பருவ சாகுபடிக்காக தண்ணீர் திறந்து விட தமிழ்நாடு முதலமைச்சர் உத்தரவிட்டுள்ளார். ​அதன்படி, இன்று (01.11.2026) நடைபெற்ற நிகழ்ச்சியில் சேரன்மகாதேவி சார் ஆட்சியர் ஆயுஸ் குப்தா , முன்னாள் சட்டமன்ற உறுப்பினர் இசக்கி சுப்பையா மற்றும் விவசாயிகள் முன்னிலையில் தண்ணீர் திறந்து வைக்கப்பட்டது. ​செய்தியின் முக்கிய அம்சங்கள்: ​பாசன காலம்: அணைக்கு வரும் மழைப் பொழிவு, நீர் இருப்பு மற்றும் நீர் வரத்தைப் பொறுத்து 01.11.2026 முதல் 31.03.2027 வரை மொத்தம் 151 நாட்களுக்குச் சுழற்சி முறையில் தேவைக்கேற்ப தண்ணீர் திறந்து விடப்படும். ​பயனடையும் பகுதிகள்: இதன் மூலம் அம்பாசமுத்திரம் வட்டத்தில் உள்ள ஜமீன் சிங்கம்பட்டி, அயன் சிங்கம்பட்டி, வைராவிகுளம், தெற்கு பாப்பான்குளம், தெற்கு கல்லிடைக்குறிச்சி மற்றும் கீழ்முகம் ஆகிய கிராமங்களைச் சேர்ந்த 2,756.62 ஏக்கர் பாசனப்பரப்பு பயனடையும். ​வேண்டுகோள்: அணைகளில் போதிய நீர் இருப்பு மற்றும் வரத்து குறையும் பட்சத்தில், முன்னுரிமை அடிப்படையில் குடிநீர் மற்றும் இதர தேவைகளுக்கு மட்டுமே தண்ணீர் வழங்க இயலும். எனவே, விவசாயிகள் தண்ணீரைச் சிக்கனமாகப் பயன்படுத்தி நீர்வளத்துறைக்கு ஒத்துழைப்பு அளிக்குமாறு கேட்டுக்கொள்ளப்படுகிறார்கள். ​இந்நிகழ்ச்சியில் செயற்பொறியாளர். தனலெட்சுமி, உதவி செயற்பொறியாளர் முருகன், உதவி பொறியாளர்கள் விஜயபாரதி,ராமராஜ், அரசு அலுவலர்கள் மற்றும் விவசாய சங்க பிரதிநிதிகள் கலந்து கொண்டனர்.