திருப்பத்தூர் மாவட்டம், ஜோலார்பேட்டை அடுத்த பொன்னேரி பகுதியில் உள்ள விவசாய நிலத்தில் மலைப்பாம்பு ஒன்று புகுந்ததால் அப்பகுதியில் பரபரப்பு ஏற்பட்டது.
பொன்னேரி பகுதியில் உள்ள விவசாய நிலத்தில் இன்று மலைப்பாம்பு ஒன்று ஊர்ந்து செல்வதை அப்பகுதியைச் சேர்ந்த இளைஞர்கள் கண்டனர். உடனே அவர்கள் சற்றும் தாமதிக்காமல், பெரும் முயற்சியைக் மேற்கொண்டு அந்த மலைப்பாம்பைப் பத்திரமாகப் பிடித்தனர்.
இதனைத் தொடர்ந்து, பிடிபட்ட மலைப்பாம்பை ஏலகிரி மலைப்பகுதியில் உள்ள அடர்ந்த வனப்பகுதியில் பாதுகாப்பாகக் கொண்டு சென்று விட்டனர். வனவிலங்கிற்கு ஆபத்து வராத வகையில் அதனை மீட்டு பாதுகாப்பான இடத்தில் விட்ட இளைஞர்களின் இந்த நற்செயலுக்கு அப்பகுதி மக்களும் இயற்கை ஆர்வலர்களும் பாராட்டு தெரிவித்துள்ளனர்.









