விருதுநகர் மாவட்டம், இருக்கன்குடி மாரியம்மன் கோயிலில் கார்த்திகை பௌர்ணமி மற்றும் ஞாயிற்றுக்கிழமை விடுமுறை தினத்தை முன்னிட்டு பக்தர்களின் வருகை வழக்கத்தை விட மிக அதிகமாக இருந்தது.
புதிய நடைமுறையால் சிக்கல்: கோயிலில் முடி காணிக்கை செலுத்துவதற்காக டோக்கன் பெறும் பக்தர்களிடம், மொட்டை போடுவதற்கு முன்பும் பின்பும் புகைப்படம் எடுக்கும் புதிய நடைமுறை அமல்படுத்தப்பட்டுள்ளது. இந்த நடைமுறையால் முடி காணிக்கை செலுத்தும் இடத்தில் கடும் நெரிசல் ஏற்பட்டு, பக்தர்கள் சுமார் 1 கிலோமீட்டர் தூரம் வரை நீண்ட வரிசையில் காத்திருக்க வேண்டிய சூழல் உருவாகியுள்ளது.
பக்தர்கள் அவதி: இந்தத் தாமதத்தால், கிடா வெட்டுதல், பொங்கல் வைத்தல் உள்ளிட்ட பிற நேர்த்திக்கடன்களை உரிய நேரத்தில் நிறைவேற்ற முடியாமல் பக்தர்கள் கடும் சிரமத்திற்கு ஆளாகியுள்ளனர். நிர்வாகத்தின் இந்த புதிய கட்டுப்பாட்டினால் நீண்ட நேரம் காத்திருக்க வேண்டியுள்ளதாக பக்தர்கள் அதிருப்தி தெரிவித்துள்ளனர்.









