திருவாரூர் மாவட்டத்தில், இந்திய அரசின் இளைஞர் நலம் மற்றும் விளையாட்டு அமைச்சகத்தின் கீழ் இயங்கும் 'மேரா யுவ பாரத்' (MY Bharat) அமைப்பின் சார்பில், 'விக்சித் பாரத் இளையோர் பாராளுமன்றம்' மாவட்ட அளவிலான பேச்சுப் போட்டி நடைபெற்றது.
இந்நிகழ்ச்சியை முதல்வர் டாக்டர் சகோதரி கேத்லினா குத்துவிளக்கேற்றி தொடங்கி வைத்தார். மேரா யுவ பாரத் மாவட்ட இளையோர் அலுவலர் செல்வி நிசி டி.எஸ். தலைமை வகித்தார். போட்டியில் மன்னார்குடி இந்தியன் ரெட்கிராஸ் சொசைட்டி செயலாளர் எஸ். கோபாலகிருஷ்ணன், மாவட்ட குழந்தைகள் நல அலுவலக நன்னடத்தை அலுவலர் டாக்டர் வி. வெங்கட்ராமன், மன்னை இராஜகோபாலசுவாமி கலைக் கல்லூரி நாட்டுநலப்பணித்திட்ட ஒருங்கிணைப்பாளர் டாக்டர் பி. பிரகாகரன் மற்றும் மன்னார்குடி பான் செக்கர்ஸ் மகளிர் கல்லூரி பேராசிரியர்கள் கே. கற்பகம், இ. ஜீவிதா ஆகியோர் நடுவர்களாகப் பங்கேற்றனர்.
இந்த மாவட்ட அளவிலான பேச்சுப் போட்டியில் 200-க்கும் மேற்பட்ட மாணவ, மாணவிகள் மிகுந்த ஆர்வத்துடன் கலந்துகொண்டு, தங்களின் பேச்சாற்றலையும் ஆக்கபூர்வமான கருத்துகளையும் வெளிப்படுத்தினர். போட்டியில் சிறப்பிடம் பெற்ற மாணவர்களுக்குப் பரிசுகளும் சான்றிதழ்களும் வழங்கப்பட்டன. இளைஞர்களின் தலைமைத்துவப் பண்புகளை வளர்ப்பதையும், நாட்டின் வளர்ச்சியில் அவர்களின் பங்களிப்பை ஊக்குவிப்பதையும் நோக்கமாகக் கொண்டு இந்த நிகழ்ச்சி சிறப்பாக நடைபெற்றது.









