திருநெல்வேலி மாவட்ட ஆட்சியர் அலுவலகத்தில் தமிழக மக்கள் ஜனநாயக கட்சியின் விளையாட்டு அணியின் மாவட்ட செயலர் மை முகமது ஜாபர் தலைமையில், சிலம்பக் கம்புகளுடன் வந்து ஆட்சியரிடம் மனு அளிக்கப்பட்டது. தமிழர்களின் வீரக்கலையும், பண்பாடு மற்றும் பாரம்பரிய அடையாளமுமான சிலம்பக் கலையை உலக அளவில் வளர்க்க தமிழக அரசு நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.
இந்த மனுவில் இடம்பெற்றுள்ள முக்கிய கோரிக்கைகள்:
- அரசு மற்றும் தனியார் பள்ளிகளில் சிலம்ப பயிற்சி வகுப்புகளை நடத்த வேண்டும்.
- சர்வதேச அளவில் சாதிக்கும் சிலம்ப வீரர்களுக்கு அரசுப் பணிகளில் முன்னுரிமை வழங்க வேண்டும்.
- தமிழகத்தில் அரசு சார்பில் சர்வதேச தரத்திலான சிலம்ப பயிற்சி மைதானங்களை அமைக்க வேண்டும்.
- பாரம்பரியமாக சிலம்பம் கற்றுக்கொடுத்து வரும் மூத்த ஆசான்களுக்கு விருதுகளும் ஓய்வூதியமும் வழங்க வேண்டும்.
- தமிழகத்தில் சர்வதேச சிலம்ப போட்டிகளை நடத்த வேண்டும்.
- ஒலிம்பிக் அங்கீகார முயற்சியாக சிலம்பக் கலையை சர்வதேச விளையாட்டுத் தரத்தில் உயர்த்த தமிழக அரசு நடவடிக்கை எடுக்க வேண்டும்.
- கேலோ இந்தியா திட்டத்தின் பாரம்பரிய விளையாட்டுப் பிரிவில் இடம்பெற்றுள்ள சிலம்பத்திற்கான வாய்ப்புகளை தமிழகத்தில் மேலும் விரிவுபடுத்த வேண்டும்.
- சிலம்பக் கலைஞர்களின் வாழ்வாதாரத்தை உயர்த்திட தனி நிதி ஒதுக்கீடு செய்ய வேண்டும்.









