மதுரை மாவட்டம் மேலூர் அருகே அழகர்கோவில் சாலையில் அமைந்துள்ள கோல்டன் சிட்டி பகுதியில் நேரிட்ட கோர விபத்தில் மூன்று பேர் பரிதாபமாக உயிரிழந்தனர்.
சண்முகநாதபுரத்தில் இருந்து மேலூர் நோக்கி இருசக்கர வாகனத்தில் நவீன்குமார் என்பவர் சென்று கொண்டிருந்தார். அதேபோல், மேலூரில் இருந்து அழகர்கோவில் நோக்கி மற்றொரு இருசக்கர வாகனத்தில் ஆறுமுகம் மற்றும் லோகேஷ் ஆகியோர் பயணம் செய்தனர். எதிர்பாராதவிதமாக இந்த இரண்டு வாகனங்களும் நேருக்கு நேர் மோதி விபத்துக்குள்ளாகின.
இந்த விபத்தில் பலத்த காயமடைந்த ஆறுமுகம் மற்றும் லோகேஷ் ஆகியோர் சம்பவ இடத்திலேயே உயிரிழந்தனர். படுகாயங்களுடன் மீட்கப்பட்டு மருத்துவமனைக்கு கொண்டு செல்லப்பட்ட நவீன்குமார், வழியிலேயே உயிரிழந்தார்.
இந்த விபத்து குறித்து தகவலறிந்த காவல்துறையினர் உடனடியாக சம்பவ இடத்திற்கு விரைந்து வந்து வழக்குப்பதிவு செய்து தீவிர விசாரணை நடத்தி வருகின்றனர்.









