தீபாவளி பண்டிகையை முன்னிட்டு, பயணிகளின் பாதுகாப்பை உறுதி செய்யும் வகையில் திருச்சி கோட்ட ரயில்வே நிர்வாகம் சார்பில் பிரத்யேக தீத்தடுப்பு பாதுகாப்பு விழிப்புணர்வு நிகழ்ச்சி திருச்சி ஜங்சன் ரயில் நிலையத்தில் நடைபெற்றது. இப்பாதுகாப்பு விழிப்புணர்வு நிகழ்வுக்கு திருச்சி ரயில்வே கோட்ட கூடுதல் மேலாளர் கே.எம்.சத்யா ரத்தன் தலைமை வகித்தார். இதில் பயணிகளுக்குப் புரியும் வகையில் பாதுகாப்பு செய்திகளைக் கொண்டு சேர்க்கும் பொருட்டு, 'சோஷியல் பாரதாலயா' குழுவினர் நாள் முழுவதும் ரயில் நிலையத்தின் பல்வேறு இடங்களில் பாரம்பரிய 'தெருக்கூத்து' கலை நிகழ்ச்சிகளை நடத்தினர். மேலும் பயணத்தின் போது பட்டாசுகள் மற்றும் எளிதில் தீப்பற்றக்கூடிய பொருள்களை எடுத்துச் செல்வதால் ஏற்படும் பேராபத்துகள். அவசரகால எச்சரிக்கைச் சங்கிலியை (Alarm Chain) தேவையின்றி தவறாகப் பயன்படுத்துவதால் ஏற்படும் பாதிப்புகள். ரயிலின் படிக்கட்டுகளில் தொங்கியபடி பயணம் செய்வதன் அபாயங்கள் ஆகியவை குறித்து பயணிகளுக்கு தெளிவான விழிப்புணர்வு ஏற்படுத்தப்பட்டது. மேலும் தீ பாதுகாப்பு முன்னெச்சரிக்கை நடவடிக்கைகள் அடங்கிய பிரத்யேக விழிப்புணர்வுத் துண்டுப் பிரசுரங்கள், ரயில் நிலைய நடைமேடைகளிலும் ரயில்களுக்குள்ளும் இருந்த ஆயிரக்கணக்கான பயணிகளுக்கு விநியோகிக்கப்பட்டன. முக்கிய பாதுகாப்புச் செய்திகள் அடங்கிய விழிப்புணர்வு பதாகைகள் ரயில் நிலையத்தின் முதன்மை இடங்களில் காட்சிப்படுத்தப்பட்டிருந்தன.
நகரங்கள்
ரயில் நிலையத்தில் தீத்தடுப்பு பாதுகாப்பு விழிப்புணர்வு நிகழ்ச்சி!
🕒 7 நவ., 2026, 07:47 AM
⏱️ 1 நிமிடம் வாசிப்பு

📸1 / 1
✨
AI Highlights
- •திருச்சி ரயில் நிலையத்தில் தீத்தடுப்பு பாதுகாப்பு விழிப்புணர்வு நிகழ்ச்சி!
செய்தியைக் கேளுங்கள்
Text-to-Speech








