கரூர் மாவட்டம், மன்மங்கலம் வட்டம், திருமுக்கூடலூர் அருள்மிகு அகத்தீஸ்வரர் உடனுறை அஞ்சநாச்சியம்மன் திருக்கோயிலில் நடைபெற்று வரும் புனரமைப்புப் பணிகளை தமிழக சுற்றுலாத்துறை அமைச்சர் ராஜேஷ்குமார் மற்றும் மாவட்ட ஆட்சியர் பிரசன்னா ராமசாமி ஆகியோர் நேரில் ஆய்வு செய்தனர்.
இந்த ஆய்வின் போது, காங்கிரஸ் நாடாளுமன்ற உறுப்பினர் ஜோதிமணி, தமிழக வெற்றிக் கழகத்தின் கரூர் மாவட்டச் செயலாளர் மதியழகன் மற்றும் முன்னாள் அமைச்சரும், கரூர் மாவட்ட அமைப்புச் செயலாளருமான எம்.ஆர். விஜயபாஸ்கர் உள்ளிட்டோர் உடன் இருந்தனர்.
இந்நிலையில், பழமை வாய்ந்த திருக்கோயில் வளாகத்திற்குள் அமைச்சர் ராஜேஷ்குமார் செருப்பு அணிந்தபடி சென்று ஆய்வு நடத்தியது பக்தர்களிடையே கடும் அதிர்ச்சியையும் விரக்தியையும் ஏற்படுத்தியுள்ளது. அவருடன் சென்ற மாவட்ட ஆட்சியர், நாடாளுமன்ற உறுப்பினர் மற்றும் தவெக மாவட்டச் செயலாளர் உள்ளிட்ட பலரும் காலணிகளுடன் கோயிலுக்குள் வலம் வந்த சம்பவம் சர்ச்சையை கிளப்பியுள்ளது. இவர்களில் முன்னாள் அமைச்சர் எம்.ஆர். விஜயபாஸ்கர் மட்டும் செருப்பு அணியாமல் கோயிலுக்குள் சென்றது குறிப்பிடத்தக்கது.









