நாமக்கல் மண்டலத்தில் தேசிய முட்டை ஒருங்கிணைப்பு குழுவின் (NECC) கூட்டத்தில் முட்டையின் கொள்முதல் விலையில் திடீர் சரிவு ஏற்பட்டுள்ளது. இதன்படி, இதுவரை ரூ.5.80 ஆக இருந்த ஒரு முட்டையின் விலை, ஒரே நாளில் 20 காசுகள் குறைக்கப்பட்டு ரூ.5.60 ஆக நிர்ணயிக்கப்பட்டுள்ளது.
இந்த புதிய விலை நிர்ணயம் நாளை காலை முதல் அமலுக்கு வரும் என்று என்.இ.சி.சி அலுவலகம் தெரிவித்துள்ளது. கோடை கால சூழல் மற்றும் தேவை குறைவு காரணமாக இந்த விலை குறைப்பு மேற்கொள்ளப்பட்டுள்ளதாக தகவல்கள் வெளியாகியுள்ளன.









