திருப்பத்தூர் மாவட்டம், வாணியம்பாடி அடுத்த ஆலங்காயம் ஒன்றியத்திற்குட்பட்ட ரெட்டியூர் கிராமத்தில், வாணியம்பாடி சட்டமன்ற உறுப்பினர் எஸ்.எஸ்.பி. சையத் ஃபாரூக் பாஷா நேரில் சென்று ஆய்வு மேற்கொண்டார்.
இந்த ஆய்வின் போது, கிராமத்தின் தெருக்கள், சாலை வசதிகள் மற்றும் குடிநீர் விநியோகம் உள்ளிட்ட பல்வேறு அடிப்படை வசதிகள் குறித்து அவர் நேரில் பார்வையிட்டு ஆய்வு செய்தார். குறிப்பாக, பொதுமக்களின் நீண்டநாள் குடிநீர் தேவையை முழுமையாகப் பூர்த்தி செய்யும் வகையில், புதிய மேல்நிலை நீர்த்தேக்கத் தொட்டி அமைப்பது தொடர்பாக அவர் தீவிரமாக ஆய்வு மேற்கொண்டார்.
தொடர்ந்து, அப்பகுதி பொதுமக்களிடம் நேரில் சென்று அவர்களின் குறைகள் மற்றும் கோரிக்கைகளைக் கேட்டறிந்த சட்டமன்ற உறுப்பினர், அவற்றை விரைந்து நிறைவேற்ற உரிய நடவடிக்கைகள் எடுக்கப்படும் என உறுதியளித்தார். கிராமத்தின் அடிப்படை வசதிகளை மேம்படுத்துவதற்காக சட்டமன்ற உறுப்பினர் நேரில் ஆய்வு மேற்கொண்ட நிகழ்வு அப்பகுதி மக்களிடையே மிகுந்த வரவேற்பைப் பெற்றுள்ளது.
இந்த ஆய்வின் போது, இந்திய யூனியன் முஸ்லிம் லீக் வாணியம்பாடி நகர செயலாளர் குண்டு முஹம்மத் பைசான் உள்ளிட்ட பல முக்கிய நிர்வாகிகளும் உள்ளூர் மக்களும் உடன் இருந்தனர்.









