அரியலூர் மாவட்ட விளையாட்டு அரங்கம் அருகே, தமிழ்நாடு விளையாட்டு மேம்பாட்டு ஆணையத்தின் சார்பில் நடைபெற்ற 'அறிஞர் அண்ணா மாரத்தான்' நெடுந்தூர ஓட்டப்போட்டிகளை மாவட்ட ஆட்சித்தலைவர் திருமதி. ந. மிருணாளினி, இ.ஆ.ப., கொடியசைத்து தொடங்கி வைத்தார்.
முன்னாள் முதலமைச்சர் பேரறிஞர் அண்ணாவின் பிறந்தநாளை முன்னிட்டு ஆண்டுதோறும் நடத்தப்படும் இந்த மாரத்தான் போட்டியில், இந்த ஆண்டு 400-க்கும் மேற்பட்டோர் ஆர்வத்துடன் பங்கேற்றனர். இந்நிகழ்ச்சியில் மாவட்ட காவல் கண்காணிப்பாளர் திரு. சு. செல்வகுமார், இ.கா.ப., சிறப்பு விருந்தினராகக் கலந்துகொண்டார்.
போட்டி விவரங்கள்:
- 17 முதல் 25 வயதுடைய ஆண்களுக்கு 8 கி.மீ மற்றும் பெண்களுக்கு 5 கி.மீ தூரம்.
- 25 வயதிற்கு மேற்பட்ட ஆண்களுக்கு 10 கி.மீ மற்றும் பெண்களுக்கு 5 கி.மீ தூரம் எனப் பிரிவுகள் பிரிக்கப்பட்டு போட்டிகள் நடைபெற்றன.
வெற்றி பெறுபவர்களுக்கு முதல் பரிசாக ரூ.5,000, இரண்டாம் பரிசாக ரூ.3,000, மூன்றாம் பரிசாக ரூ.2,000 மற்றும் 4 முதல் 10-ஆம் இடம் பிடிப்பவர்களுக்கு தலா ரூ.1,000 வீதம் பரிசுத்தொகை மற்றும் சான்றிதழ்கள் வழங்கப்பட உள்ளன. இந்நிகழ்வில் மாவட்ட விளையாட்டு மற்றும் இளைஞர் நலன் அலுவலர் திரு. லெனின், அரியலூர் வருவாய் கோட்டாட்சியர் செல்வி. பிரேமி உள்ளிட்ட அரசு அதிகாரிகள் மற்றும் ஏராளமான இளைஞர்கள் கலந்துகொண்டனர்.









