தென்காசி மாவட்டம், குற்றாலம் காவல் நிலைய எல்லைக்கு உட்பட்ட பகுதியில் கொலை முயற்சி வழக்கில் சிறப்பாகச் செயல்பட்ட இரண்டாம் நிலைக் காவலர் க. செந்தில்குமாருக்குப் பாராட்டுச் சான்றிதழ் வழங்கப்பட்டது.
குற்றாலம் காவல் நிலைய சரகத்தில் நடைபெற்ற கொலை முயற்சி குற்றச் சம்பவத்தில் ஈடுபட்டவர்களைச் சம்பவ இடத்திலேயே உடனடியாகக் கைது செய்ய உதவியதுடன், மேலும் பல அசம்பாவிதங்கள் ஏற்படாமல் தடுத்து அவர் திறம்படச் செயல்பட்டார்.
இதனைத் தொடர்ந்து, காவலர் க. செந்தில்குமாரின் சேவையைப் பாராட்டும் வகையில், திருநெல்வேலி சரக காவல்துறை துணைத்தலைவர் முனைவர் இரா. திருநாவுக்கரசு, இ.கா.ப., அவர்கள் இன்று (12.10.2026) சரக அலுவலகத்திற்கு நேரில் அழைத்து அவருக்குப் பாராட்டுச் சான்றிதழ் வழங்கி கௌரவித்தார்.









