தூத்துக்குடியைச் சேர்ந்த இளைஞர் ஜே. ஜோஷ்வா வசிகரன், மாற்றுத்திறன் கொண்ட குழந்தைகளின் நலனுக்காக நிதி திரட்டும் உயரிய நோக்கத்துடன் உலக சாதனை ஒன்றை நிகழ்த்தியுள்ளார்.
இந்தச் சாதனை முயற்சியில், அவர் 4 மணி நேரம் 39 நிமிடங்களில் 1,000 புல்-அப்ஸ் (Pull-ups) மற்றும் 1,000 ஸ்குவாட் டிரைவ்ஸ் (Squat Drives) என மொத்தம் 2,000 முறை உடற்பயிற்சிகளைச் செய்து அசத்தியுள்ளார். அவரது இந்தத் தன்னலமற்ற முயற்சியைப் பாராட்டி, சோழன் புக் ஆஃப் வேர்ல்ட் ரெக்கார்ட்ஸ் (CBWR) மற்றும் இன்டர்நேஷனல் அச்சீவர் புக் ஆஃப் வேர்ல்ட் ரெக்கார்ட்ஸ் ஆகிய இரண்டு உலக சாதனை அமைப்புகள் அங்கீகாரம் அளித்துள்ளன.









