மதுரை மாவட்டம் மேலூர் அருகேயுள்ள கருங்காலக்குடியில் வீட்டில் இருப்பு வைக்கப்பட்டிருந்த பட்டாசுகள் வெடித்துச் சிதறிய விபத்தில் படுகாயமடைந்த இளைஞர் சிகிச்சை பலனின்றி உயிரிழந்தார்.
கருங்காலக்குடியில் அமைந்துள்ள ஒரு வீட்டில் நேற்று இரவு எதிர்பாராதவிதமாக பட்டாசுகள் வெடித்து விபத்துக்குள்ளாகின. இந்த பயங்கர விபத்தில் வீட்டின் மேல்தளம் பலத்த சேதமடைந்தது. இந்தச் சம்பவத்தில் யோகவாணி (42), அவரது மகன் லோகேஷ் (20) மற்றும் லோகேஷின் நண்பரான மனோஜ் (20) ஆகியோர் படுகாயமடைந்தனர்.
உடனே அவர்கள் மீட்கப்பட்டு மதுரை அரசு ராஜாஜி மருத்துவமனையில் தீவிர சிகிச்சைக்காக அனுமதிக்கப்பட்டனர். அங்கு அவர்களுக்கு மருத்துவர்கள் சிகிச்சை அளித்து வந்த நிலையில், இன்று காலை மனோஜ் சிகிச்சை பலனின்றி பரிதாபமாக உயிரிழந்தார். இந்தச் சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.









