நாகப்பட்டினம் மாவட்டம், உலகப் புகழ்பெற்ற வேளாங்கண்ணி புனித ஆரோக்கிய அன்னை திருத்தலத்திற்குச் செல்லும் பிரதான சாலை, தற்போது குண்டும் குழியுமாகச் சேதமடைந்து காணப்படுகிறது. இதனால், இப்பகுதியைக் கடந்து செல்லும் பக்தர்கள், குறிப்பாகக் குழந்தைகள் மற்றும் முதியவர்கள் அடிக்கடி விபத்துகளில் சிக்கி வருகின்றனர்.
மழைக்காலங்களிலும், மின்சாரம் இல்லாத நேரங்களிலும் இச்சாலை பெரும் ஆபத்தான பகுதியாக மாறியுள்ளதாகப் பொதுமக்கள் குற்றம் சாட்டுகின்றனர். இது குறித்து நெடுஞ்சாலைத் துறை அதிகாரிகளிடம் பலமுறை புகார் அளித்தும், இதுவரை எவ்விதமான சீரமைப்புப் பணிகளும் மேற்கொள்ளப்படவில்லை என்று கூறப்படுகிறது.
இது குறித்து வேளாங்கண்ணி பேரூராட்சித் தலைவர் டயானா சர்மிளா கூறுகையில், 'வேளாங்கண்ணி பேரூராட்சி நிர்வாகம் திமுக வசம் இருப்பதால், வேண்டுமென்றே சாலையைச் சீரமைக்காமல் தவெக அரசு திமுகவிற்கு அவப்பெயரை ஏற்படுத்த முயற்சி செய்கிறதா?' என்று கேள்வி எழுப்பியுள்ளார். மக்களின் பாதுகாப்பைக் கருத்தில் கொண்டு, உடனடியாக இச்சாலையைச் சீரமைக்க வேண்டும் என்று அவர் வலியுறுத்தியுள்ளார்.









