திருப்பத்தூர் மாவட்டத்தில், தமிழ்நாடு மகளிர் மேம்பாட்டு ஆணையம் சார்பில் நடைபெற்ற பிரம்மாண்ட விழாவில், 460 மகளிர் சுய உதவிக் குழுக்களுக்கு ரூ. 57.55 கோடி மதிப்பிலான வங்கி கடன் உதவிகளை தமிழக வனத்துறை அமைச்சர் ரஞ்சித் குமார் வழங்கினார்.
திருப்பத்தூரில் உள்ள தனியார் திருமண மண்டபத்தில் நடைபெற்ற இந்த நிகழ்வில், ஊரக வளர்ச்சி மற்றும் ஊராட்சித் துறை மற்றும் பேரூராட்சித் துறைகளின் கீழ் ரூ. 281.40 லட்சம் மதிப்பீட்டில் நிறைவு செய்யப்பட்ட 17 புதிய திட்டப் பணிகளையும் அமைச்சர் திறந்து வைத்தார்.
இந்த விழாவில் மாவட்ட ஆட்சியர் நல்லசிவன், திருப்பத்தூர் நாடாளுமன்ற உறுப்பினர் டாக்டர் திருப்பதி மற்றும் அரசு உயர் அதிகாரிகள் உள்ளிட்ட பலர் கலந்துகொண்டனர்.









