உலக மீன்வள நாளை முன்னிட்டு, நத்தம் அருகே உள்ள சேர்வீடு கிராம சமுதாயக் கூடத்தில் குடுமியான்மலை வேளாண்மைக் கல்லூரி மற்றும் ஆராய்ச்சி நிலையத்தின் நான்காம் ஆண்டு மாணவிகள் சார்பில் விழிப்புணர்வு நிகழ்ச்சி நடத்தப்பட்டது.
கிராமப்புற வேளாண் பணி அனுபவத் (RAWE) திட்டத்தின் கீழ் நடைபெற்ற இந்நிகழ்ச்சியில், அக்வாபோனிக்ஸ் தொழில்நுட்பம், மீன் அமினோ அமிலம் தயாரிக்கும் முறை, நவீன மீன் வளர்ப்பு முறைகள் மற்றும் மண் மற்றும் நீர் பரிசோதனையின் அவசியம் குறித்து செயல்விளக்கத்துடன் எடுத்துரைக்கப்பட்டது.
மேலும், வீட்டுத் தோட்டம் மற்றும் மாடித்தோட்டம் அமைத்தல், இயற்கை முறையில் பயிர் பாதுகாப்பு செய்தல், ஒருங்கிணைந்த விவசாயம் மற்றும் மீன் வளர்ப்பு மூலம் கூடுதல் வருமானம் ஈட்டும் வழிமுறைகள் குறித்தும் விவசாயிகளுக்கும் பொதுமக்களுக்கும் விரிவாக விளக்கப்பட்டது. இந்நிகழ்ச்சியில் இப்பகுதியைச் சேர்ந்த ஏராளமான விவசாயிகளும் கிராம மக்களும் ஆர்வமுடன் பங்கேற்றனர்.









