திருவண்ணாமலை மாவட்டம் சேவூர் கூட்ரோடு அருகே உள்ள தனியார் திருமண மண்டபத்தில், தமிழக வெற்றிக் கழகம் (தவெக) சார்பில் தீபாவளி பண்டிகையை முன்னிட்டு பொதுமக்களுக்கு நலத்திட்ட உதவிகள் மற்றும் பரிசுப் பொருட்கள் வழங்கும் விழா நடைபெற்றது.
கழகத்தின் மண்டல ஒருங்கிணைப்பாளர் கார்த்திக் மற்றும் மாவட்ட இளைஞரணி அமைப்பாளர் அஜய் ஆகியோர் தலைமையில் இந்த நிகழ்ச்சி கோலாகலமாக நடைபெற்றது. இதில் நகரம், ஒன்றியம் மற்றும் பேரூர் கழகத்தைச் சேர்ந்த தமிழக வெற்றிக் கழக நிர்வாகிகளின் ஒருங்கிணைப்பில், சுமார் 1,500 பெண்களுக்குத் தீபாவளி பரிசுப் பொருட்களும், நலத்திட்ட உதவிகளும் வழங்கப்பட்டன.
இந்நிகழ்ச்சியில் நகரச் செயலாளர்கள் சுதன், ஹேம்நாத், ராஜேஷ், ஒன்றிய செயலாளர்கள் தயாளன், ராகவன், மோகன் பாபு, சுதன் மற்றும் மாவட்டக் கழக நிர்வாகிகள் பிரசாந்த், கந்தவேல், சேசலன், மது சேகர் உள்ளிட்ட பலரும் திரளாகக் கலந்துகொண்டனர்.









