மயிலாடுதுறை மாவட்டம், சீர்காழியில் தமிழக வெற்றிக் கழகம் (த.வெ.க.) சார்பில் தூய்மைப் பணியாளர்களுடன் தீபாவளிப் பண்டிகை உற்சாகமாகக் கொண்டாடப்பட்டது.
சீர்காழி தென்பாதி பகுதியில் உள்ள தனியார் உணவகத்தில் நடைபெற்ற இந்நிகழ்ச்சிக்கு, த.வெ.க. நிர்வாகி பாலாஜி தலைமை வகித்தார். இதில் மாவட்ட செயலாளர் கோபிநாத் சிறப்புப் பங்கேற்பாளராகக் கலந்து கொண்டு, சீர்காழி நகராட்சியில் பணியாற்றும் நூற்றுக்கும் மேற்பட்ட தூய்மைப் பணியாளர்களுக்குப் புத்தாடைகள் மற்றும் இனிப்புகளை வழங்கிச் சிறப்பித்தார்.
இந்நிகழ்ச்சியின் ஒரு பகுதியாக, தூய்மைப் பணியாளர்களுக்குச் சிறப்பு அசைவ பிரியாணி விருந்து பரிமாறப்பட்டது. நிர்வாகிகளுடன் இணைந்து பணியாளர்கள் அனைவரும் ஒன்றாக அமர்ந்து உணவருந்தினர். இந்த விழாவில் நகராட்சி அதிகாரிகள் மற்றும் த.வெ.க. தொண்டர்கள் பலரும் உடன் இருந்தனர்.









