வணிகம்
தீபாவளி பண்டிகையை முன்னிட்டு மயிலாடுதுறை நகரில் புத்தாடைகள் வாங்க குவிந்த பொதுமக்கள். தரைக் கடைகளில் வியாபாரம் களை கட்டியதால் வியாபாரிகள் மகிழ்ச்சி:-
🕒 1 நவ., 2026, 10:39 AM
⏱️ 1 நிமிடம் வாசிப்பு

📸1 / 2
🖼️அனைத்துப் புகைப்படங்கள் (2)படத்தைத் தொடவும்
செய்தியைக் கேளுங்கள்
Text-to-Speech
தீபாவளி பண்டிகை வரும் ஞாயிறன்று கொண்டாடப்பட உள்ள நிலையில் மயிலாடுதுறை கடைவீதிகளில் தீபாவளி பண்டிகையை முன்னிட்டு புத்தாடை வாங்க பொதுமக்கள் குவிந்தனர். தீபாவளி பண்டிகைக்கு இன்னும் ஒரு வாரமே உள்ள நிலையில் இன்று ஞாயிற்றுக்கிழமை விடுமுறை தினம் என்பதால் வண்டிக்கார தெரு, காந்திஜி சாலை, நம்பர் 2 ரோடு, பெரிய கடைவீதிகளில் பொதுமக்களின் கூட்டம் அலைமோதியது. புத்தாடைகள் வாங்க ஜவுளி கடைகளில் பொதுமக்கள் குவிந்தனர். மேலும் தரைக்கடை வியாபாரிகள் குறைந்த விலையில் புத்தாடைகளை வைத்து வியாபாரத்தில் ஈடுபட்ட நிலையில் பொதுமக்கள் ஆர்வமுடன் தரைக்கடை வியாபாரிகளிடம் துணிகள் வாங்கியதால் வியாபாரம் களை கட்டியதால் வியாபாரிகள் மகிழ்ச்சி அடைந்தனர். மேலும் தீபாவளி பண்டிகையை முன்னிட்டு தங்களது குடும்பத்தினருக்கும், குழந்தைகளுக்கும் புத்தாடைகள் வாங்குவதிலும், பட்டாசுகள், இனிப்புகள் மற்றும் பண்டிகைக்குத் தேவையான இதர பொருட்களை வாங்குவதிலும் பொதுமக்கள் ஆர்வம் காட்டி வருகின்றனர். இதனால் நகரின் முக்கிய வீதிகளில் மக்கள் நடமாட்டம் அதிகரித்துள்ளதுடன், இருசக்கர வாகனங்கள், கார்கள், ஆட்டோக்கள் உள்ளிட்ட வாகனங்களின் எண்ணிக்கையும் கணிசமாக உயர்ந்துள்ளது. குறிப்பாக காந்திஜி சாலை, பட்டமங்கலம் தெரு மற்றும் அதனைச் சுற்றியுள்ள பகுதிகளில் ஆங்காங்கே கடுமையான போக்குவரத்து நெரிசல் ஏற்பட்டுள்ளது. இதனால் வாகனங்கள் நீண்ட வரிசையில் அணிவகுத்து மெதுவாக ஊர்ந்து செல்லும் நிலை உருவாகியுள்ளது. போக்குவரத்தை சீரமைக்கும் பணியில் மயிலாடுதுறை போலீசார் தீவிரமாக செயல்பட்டு வருகின்றனர்.








