குழந்தைகள் தினத்தை முன்னிட்டு, தமிழ்நாடு முழுவதும் உள்ள அங்கன்வாடி மையங்களில் பயிலும் குழந்தைகளுக்கு இனிப்புப் பொங்கல் வழங்கும் திட்டத்தை தமிழக அரசு அறிவித்திருந்தது. இதன் ஒரு பகுதியாக, மயிலாடுதுறை மாவட்டம், கூரைநாடு பகுதியில் உள்ள கிட்டப்பா நகராட்சி மேல்நிலைப் பள்ளி வளாகத்தில் இயங்கி வரும் அங்கன்வாடி மையத்தில், மூன்று வயதுக்கு உட்பட்ட குழந்தைகளுக்கு இனிப்புப் பொங்கல் வழங்கும் நிகழ்ச்சி இன்று நடைபெற்றது.
இந்த நிகழ்வில் மயிலாடுதுறை மாவட்ட ஆட்சியர் ஸ்ரீகாந்த் கலந்துகொண்டு, குழந்தைகளுடன் அமர்ந்து பொங்கல் உண்டு திட்டத்தை முறைப்படி தொடங்கி வைத்தார். இந்தத் திட்டம் மாவட்டம் முழுவதும் உள்ள அனைத்து அங்கன்வாடி மையங்களிலும் செயல்படுத்தப்பட உள்ளது. இந்நிகழ்வில் கல்வித்துறை அதிகாரிகள் மற்றும் குழந்தைகள் வளர்ச்சித் திட்ட அலுவலர்கள் உள்ளிட்டோர் கலந்து கொண்டனர்.









