வேலூர் நறுவி மருத்துவமனையில் ஆயிரத்திற்கும் மேற்பட்ட மூட்டு மாற்று அறுவை சிகிச்சைகள் வெற்றிகரமாகச் செய்யப்பட்டு புதிய சாதனை படைக்கப்பட்டுள்ளது என்று மருத்துவமனை தலைவர் முனைவர் ஜி.வி. சம்பத் தெரிவித்துள்ளார்.
2021ஆம் ஆண்டு முதல் டாக்டர் வெர்னான் லீ தலைமையில் இயங்கி வரும் இப்பிரிவில், அமெரிக்கத் தயாரிப்பான 'கோரி' (CORI Robot) ரோபோ தொழில்நுட்பம் மூலம் அறுவை சிகிச்சைகள் மேற்கொள்ளப்படுகின்றன. இதன் மூலம் நோயாளிகள் ஒரே மாதத்தில் விரைவாகக் குணமடைவதாக மருத்துவமனை நிர்வாகம் தெரிவித்துள்ளது.
நியாயமான கட்டணத்தில் உயர்தர சிகிச்சை அளிக்கப்படுவதால், தமிழகம் மற்றும் ஆந்திரா மட்டுமின்றி அமெரிக்கா, ஆஸ்திரேலியா, துபாய் போன்ற வெளிநாடுகளிலிருந்தும் நோயாளிகள் இங்கு வருகை தந்து சிகிச்சை பெற்று வருகின்றனர்.
வெற்றிகரமாக 5 ஆண்டுகளை நிறைவு செய்து 6-வது ஆண்டில் அடியெடுத்து வைக்கும் இம்மருத்துவமனையில், விரைவில் சர்வதேச தரத்தில் 'எலும்பு மஜ்ஜை மாற்று சிகிச்சை மையம்' மற்றும் 'செயற்கை கருத்தரிப்பு மையம்' தொடங்கப்பட உள்ளதாகவும் செய்தியாளர் சந்திப்பில் ஜி.வி. சம்பத் கூறினார்.









