விழுப்புரம் மாவட்டம் கஞ்சனூர் அருகே உள்ள வெங்காயக்குப்பம் கிராமத்தில் குழந்தைகள் தின விழாவை முன்னிட்டு, மனிதம் காப்போம் அறக்கட்டளையின் ஒருங்கிணைப்பில் ஏரிக்கரையில் மரக்கன்றுகள் நடும் விழா சிறப்பாக நடைபெற்றது.
இயற்கையைப் பாதுகாப்பது மற்றும் சுற்றுச்சூழல் விழிப்புணர்வை ஏற்படுத்துவது குறித்த இந்த முன்னெடுப்பை புஷ்பராஜ் ஒருங்கிணைத்தார். இந்த நிகழ்வில் ஏராளமான சிறுவர்கள் மற்றும் கிராம மக்கள் கலந்து கொண்டு ஆர்வமுடன் மரக்கன்றுகளை நட்டனர்.
குழந்தைகள் தினத்தை வெறும் கொண்டாட்டமாக மட்டுமின்றி, எதிர்கால சந்ததிக்கான பசுமையான சூழலை உருவாக்கும் விழிப்புணர்வு இயக்கமாக மாற்றியமைத்த இந்த முயற்சிக்கு அப்பகுதி மக்களிடமிருந்து பாராட்டுக்கள் குவிந்து வருகின்றன.









