தொழிலாளர் அரசு காப்பீட்டு கழகம் (இ.எஸ்.ஐ.) நெல்லை துணை மண்டலம் சார்பில், இ.எஸ்.ஐ. திட்டப் பயனாளர்களின் குறைகளை நிவர்த்தி செய்வதற்கான மாதாந்திர குறைதீர்க்கும் முகாம் வருகிற 11-ந்தேதி (புதன்கிழமை) நடைபெற உள்ளது.
இதுகுறித்து நெல்லை இ.எஸ்.ஐ.சி. துணை மண்டல அலுவலக பொறுப்பு அதிகாரியும், இணை இயக்குநருமான பாஸ்கர் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:-
நடப்பு மாதத்திற்கான இ.எஸ்.ஐ. குறைதீர்க்கும் முகாம், வருகிற 11-ந்தேதி மாலை 3 மணிக்கு நெல்லை இ.எஸ்.ஐ.சி. துணை மண்டல அலுவலகத்தில் வைத்து சிறப்பாக நடத்தப்பட உள்ளது. இக்கூட்டத்தில் பயனாளர்களின் பல்வேறு குறைகள் கேட்டறியப்பட்டு உடனுக்குடன் தீர்வு காணப்படவுள்ளது.
இந்த முகாமில் இ.எஸ்.ஐ.சி. மருத்துவமனை மருத்துவ கண்காணிப்பாளர், இ.எஸ்.ஐ. துணை மண்டல அலுவலக குறைதீர்க்கும் அதிகாரி, மண்டல நிர்வாக மருத்துவ அலுவலர் மற்றும் இ.எஸ்.ஐ. திட்ட மருந்தக மருத்துவ அதிகாரிகள் உள்ளிட்டோர் கலந்துகொண்டு சிறப்பிக்கின்றனர்.
எனவே, இ.எஸ்.ஐ. திட்ட பயனீட்டாளர்கள் தங்களுக்கு ஏதேனும் குறைகள் இருப்பின், இந்த முகாமில் நேரில் கலந்துகொண்டு உரிய நிவாரணம் பெற்று பயனடையுமாறு கேட்டுக்கொள்ளப்படுகிறார்கள்.









