கிருஷ்ணகிரி மாவட்டம் காவேரிப்பட்டணம் அருகே சாப்பர்த்தி கிராமத்தை சேர்ந்த அருள்(28). இவர் புளிந்தோப்பு பகுதியில் சிக்கன் கடை நடத்தி வந்தார். இந்நிலையில், அருளுக்கும், இவரது தயார் லட்சுமி கறி கடையை சரியாக நடத்துவதில்லை எனக்கூறி அருளை கண்டித்துள்ளார். இந்த விரக்தியில் அருள், யாருக்கு சொல்லாமல் வீட்டை வீட்டு வெளியே சென்றவர், மீண்டும் வரவில்லை. இது அவரது தாயார் லட்சுமி கடந்த 5-ம் தேதி காவேரிப்பட்டணம் காவல் நிலையத்தில் புகார் அளித்தார். இது தொடர்பாக போலீசார் வழக்குப்பதிவு செய்து விசாரணை நடத்தி வந்தனர். இந்நிலையில் தருமபுரி மாவட்டம் மகேந்திரமங்கலம் காவல் நிலைய எல்லைக்கு உட்பட்ட புதூர்கொல்லை ஏரிக்கரை அருகே அருள் என்பவர் இறந்த நிலையில் சடலமாக இருப்பதாக, போலீசாருக்கு கிராம மக்கள் தகவல் அளித்தனர். இதனை தொடந்து, போலீஸார் சடலத்தை கைப்பற்றி, விசாரணை நடத்தினர். அதில், அருள் கடந்த 3-ம் தேதி அதிகாலை 4 மணியளவில் அவரது உறவினரான விஜயகுமார்(34) என்பவரது நிலக்கடலை தோட்டம் பகுதிக்கு சென்றுள்ளார். அங்கு எதிர்பாராத விதமாக காட்டுப்பன்றிக்காக வைக்கபட்டிருந்த மின்வேலியில் சிக்கிய அருள் மின்சாரம் பாய்ந்து உயிரிழந்தார். இதனை கண்டு அதிர்ச்சியடைந்த விஜயகுமார், அருளின் சடலத்தை டிராக்டரில் ஏற்றி கொண்டு புதூர்கொல்லை ஏரிக்கரையில் வீசி சென்றது தெரியவந்தது. இதையடுத்து சட்டவிரோதமாக மின்வேலி அமைத்த விஜயக்குமாரை போலீஸார் கைது செய்து, நீதிமன்றத்தில் ஆஜர்ப்படுத்தி சிறையில் அடைத்தனர்.
செய்திகள்
காற்று பன்றிக்கு வைத்த மின்வேலியில் சிக்கி இறைச்சி கடைக்காரர் உயிரிழப்பு. விவசாயி கைது!
🕒 8 நவ., 2026, 01:22 AM
⏱️ 1 நிமிடம் வாசிப்பு

📸1 / 3
🖼️அனைத்துப் புகைப்படங்கள் (3)படத்தைத் தொடவும்
✨
AI Highlights
- •காற்று பன்றிக்கு வைத்த மின்வேலியில் சிக்கி இறைச்சி கடைக்காரர் உயிரிழப்பு.
- •விவசாயி கைது!
செய்தியைக் கேளுங்கள்
Text-to-Speech








