ராமநாதபுரம் மாவட்டம் ராமேஸ்வரத்தில் கடந்த இரண்டு நாட்களாக தொடர் மழை பெய்துவரும் நிலையில், 9-வது வார்டு பகுதியில் கழிவுநீர் கால்வாய்களில் அடிக்கடி அடைப்பு ஏற்பட்டு பொதுமக்கள் கடும் சிரமத்திற்கு ஆளாகினர்.
இதனை உடனடியாக சரிசெய்து தருமாறு பொதுமக்களிடமிருந்து கோரிக்கைகள் விடுக்கப்பட்டதை அடுத்து, நகர்மன்றத் தலைவர் நாசர் கான் நேரில் சென்று அப்பகுதியை ஆய்வு செய்தார். மேலும், உடனடியாக கழிவுநீர் கால்வாய்களில் உள்ள அடைப்புகளை அகற்றும் துப்புரவுப் பணிகள் அவரது நேரடி முன்னிலையில் தீவிரமாக மேற்கொள்ளப்பட்டன.









