தமிழகத்தில் லஞ்சம் மற்றும் ஊழலுக்கு இடமின்றி மிகச் சிறப்பான ஆட்சி நடைபெற்று வருவதாக வணிகவரி மற்றும் பத்திரப் பதிவுத்துறை அமைச்சர் லோகேஷ் தமிழ்செல்வன் தெரிவித்துள்ளார்.
நாமக்கல் மாவட்டம் ராசிபுரம் அடுத்த கூனவேலம்பட்டிபுதூர் பகுதியில் அமைந்துள்ள பிரசித்தி பெற்ற அழியா இலங்கை அம்மன் கோவிலில் அமைச்சர் லோகேஷ் தமிழ்செல்வன் சுவாமி தரிசனம் செய்தார். அதனைத் தொடர்ந்து செய்தியாளர்களைச் சந்தித்த அவர் கூறியதாவது:
தமிழகத்தில் எவ்வித லஞ்சமும் ஊழலும் இன்றி நேர்மையான முறையில் ஆட்சி நடைபெற்று வருவதால் பொதுமக்கள் மிகுந்த மகிழ்ச்சியில் உள்ளனர். குறிப்பாக, பத்திரப்பதிவுத்துறை எவ்வித புகாருக்கும் இடமளிக்காத வகையில் ஊழலற்ற மற்றும் சிறப்பான துறையாகச் செயல்பட்டு வருகிறது என்றார்.
மேலும், ராசிபுரம் பகுதி மக்களின் நீண்டகால அடிப்படைத் தேவைகள் ஒவ்வொன்றாக நிறைவேற்றப்பட்டு வருவதாகக் குறிப்பிட்ட அவர், முதற்கட்டமாகப் பல்வேறு பகுதிகளில் நிலவும் கழிப்பிட வசதி குறைபாடுகளைப் போக்கும் பணிகள் தீவிரமாக நடைபெற்று வருவதாகவும், தொடர்ந்து இதர அடிப்படை வசதிகளும் விரைந்து செய்து முடிக்கப்படும் என்றும் உறுதியளித்தார்.
எதிர்க்கட்சிகளின் தொடர்ச்சியான விமர்சனங்கள் குறித்த கேள்விக்குப் பதிலளித்த அமைச்சர் லோகேஷ் தமிழ்செல்வன், எதிர்க்கட்சிகளின் விமர்சனங்களைப்பற்றி தாங்கள் கவலைப்படவில்லை என்றும், தங்களுக்கு மாண்புமிகு முதலமைச்சரின் வழிகாட்டுதலும் பொதுமக்களின் முழுமையான ஆதரவும் பலமாக இருப்பதாகவும் தெரிவித்தார்.









